تعبت اكذب على الحاجه واقول الحال ميسوره ..؟

السلام عليكم

هدوءً ايها الساده حضور الحفل والسهره
مساء الخير على الصاحي واشوف الناس مخموره

انا اسف على الازعاج ولكن طارت السكره
ذكرت اني قبل ساعات اصيل وعزوتي نوره

على فكره الكرفته عجزت افكها عسره
ابي واحد ينزلها او اي وحده ومشكوره

وابي ثوبي جيبولي ثوبي الأشهب مع الغتره
قبل والله لأطربقها على هالحفل بحضوره

ولا واحد يتكلم قبل مااخلص النشره
ومن يحكي قسم بالله لأدوس برجلي حنجوره

تراها قفلت ياسادة بلادي وياستره
وهي مادامها خربت بقول الليله الثوره

انا بحكي من اول يوم جيت لدنيةً قذره
وتكرم عن قذارتها بيوت الله ومعموره

انا مولود في ليلة شتاء مع بردها مطره
في خيمه وسط صحراء مابها سستر ودكتوره

انا ياحضرة الساده غريب وضاع من صغره
لعن جدي زماني بين مدهوره ومهجوره

حملت من الشقا مالايطاق وجايكم ذكره
ولاني عاجز اتحمل واموت بنفس مقهوره

وانا ادري يذبح الرجال كثر الصبر في قهره
وعن قهر الرجال المصطفى حذر ومذكوره

وهم قالوا مفاتيح الفرج للحي في صبره
وانا اشوف الصبر مفتاح ضاع وزاد طابوره

تعبت الملم ايامي بيدين الهم والحسره
تعبت المع البرواز وامسح غبرة الصوره

تعبت ابوس كف الجوع وخشم الفقر طال عمره
تعبت اكذب على الحاجه واقول الحال ميسوره

تعبت احمس من القهوه واحط السمن والتمره
تعبت ودلتي وحده وكل شوي منثوره

احسب العز بالدله وبيت النذل بها عشره
دلاله اكثره ملعون ومليانه ومسطوره

انا بحكم البداوه انزرع في داخلي بذره
عن علوم المراجل الف بذره فيني مبذوره

تربينا على الدين ونطيع الله مع شكره
تعلمنا نصلي ونحفظ القرأن وكل سوره

تعلمنا نحب الضيف وفينا الكرم فطره
تعلمنا نقول الصدق لا لفه ولادوره

تعلمنا نحلب النوق ونعرف وشهي البكره
تعلمنا الضمى وحنا بيدين البير محفوره

تعلمنا وكثير اللي تعلمناه وش كثره
اخذنا درس بالدنيا بلادفتر وسبوره

وانتم ياسكارى الحفل عفواً ايها الزمره
منو فيكم عرف قهر الزمان وظلمه وجوره

منو فيكم وطاه الجوع وذله وصفقه فقره
منو فيكم عرف يحتاج لللقمه ونشف زوره

منو فيكم من الضيقه حفر بأصابعه قبره ..؟
منو فيكم رقد ليله وسط اجساد مقبوره

منو فيكم مشى حافي برمضاً كنها الجمره
منو فيكم سهر بليل الظلام بدون ابجوره

منو فيكم ماطاح الفين مره وسلمت الجره
وانا من قبل اطيح وجرتي بيديني مكسوره

لكم المأ والوجه الحسن والمال والخضره
ولنا حنا الضمى والجوع وفقر وشيفة عورا

ولامره حظي ضحك بوجهي واشكره مره ..؟
وغيري مبتسم حظه وكل ايامه مسروره

كتبت الشعر من صغري وبيوتي مابها كسره
وانتم تبرزون اللي كتب بيتين مكسوره

انا ياحضرة الساده فقيرً مااغتنم شعره
مدام المومس اللي تشري الاشعاار مشهوره

وانا ياحضرة الساده هينا الليله وعلى فكره
ترا هالبدله مسروقه ورجلي بجزمه محشوره

ولكن قلت ابحضر هالحفل والعمر ابختصره
وابي ابدع معاكم وسط ليلة انس ومحضوره

واذا كانت رجولتكم بكاسة ثلج والخمره
انا بشرب بدون الكاس وثلجه الف قاروره

ابويه قال لي مره دسم شاربك بالغبره
مايدري بالشنب محلوق وجابر فاقد شعوره

انا بمشي مدام الليل ودع وابتداء فجره
!.. بروح ارد هالبدله على هالمعلاق مزروره

وانا ادري ياحضورالحفل اني بسجن بكره
مدام الليله جبت العيد بهذا الحفل وحضوره ..؟
[ندعوك للتسجيل في المنتدى أو التعريف بنفسك لمعاينة هذه الصورة]

الشاعر ؟ جابر

روووعه هالشاعر جسد معاناته بكل تفاصيلها

بس هو وين آراضيه بعد ما جاب العيد؟!!!

تسلم آناملك خيو مواصل

لاعدمناك

آهلاين باخيتو ملك نورتي هالقصيده بتواجدك
دمتي بود [ندعوك للتسجيل في المنتدى أو التعريف بنفسك لمعاينة هذه الصورة] .؟

قسسسسم قسمآت ماحبيت هالشاعر الا منك

بجد روووووووعه

سلمت ولا هنت موآصل
ماننحرم منك

وجودك كان هو الاروع
في هذه الصفحه
دمتي بالف خير [ندعوك للتسجيل في المنتدى أو التعريف بنفسك لمعاينة هذه الصورة] .؟