يابوي ليه تبكي كل ما شافتك وعينـك لـي ..؟

قصيده من الشاعر جابر العتيبي

اعجبني الشاعر في الوصف والترتيب في القصيده
وحبيبت اجلبها اليكم وسمع اراكم فيها

[ندعوك للتسجيل في المنتدى أو التعريف بنفسك لمعاينة هذه الصورة] يابوي[ندعوك للتسجيل في المنتدى أو التعريف بنفسك لمعاينة هذه الصورة] ليه تبكي كل ما شافتك وعينـك لـي ..؟ Sad

تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحي ..؛
أجل بعد الرحيل أشلون في قبري توطينـي

يابوي لو تموت الناس ماتسوى دموعك ذي
وأنا يابوي ميت قبل أموت وأنت محيينـي

قسم بالله يابوي لجل عينك شربـت الغـي
جرعت الهم والحرمان وبحر الويل يسقيني

تحملت السنين اللي طوتني في عذابي طـي
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي
ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي
وتكفى قبل لا أتكفن .. يابوي فكلي عينـي

بأمر الله يمكن ألمحك وأرحل في عيني ضي
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شوي
ووجهني لبيـت الله .. وقبلـه المصلينـي

وحط الطين وأدفني وعزاللـي يعـزي فـي
ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعنـي
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي
تجي يمي تصب الما .. على وجهي وتصحيني

تذكر جرة الموال وصوت فـي حبالـه كـي
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقـي هـي ..؛
تذكر كم قصيدة خافيه مـا بينـك وبينـي

تذكر كل شي كان وأذكـر يـوم جابر حـي
ولكـن أسالـك بالله يابـوي لا تبكيـنـي

احدى روآئع هذا الشاعر الفذ

قسسسسم في صوته رووووووعه

سلمت ولا هنت موآصل

ياعسآنا ماننحرم منك

وجودك اختي اسعدني
نورتي

ابيات روعه
تسلم على النقل
والذوق الحلو